काठमाडौं । रुसको केन्द्रीय बैंकले रुसी बीमा कम्पनीलाई चीनमा तरल प्राकृतिक ग्यास (एलएनजी) आपूर्तिसँग सम्बन्धित जोखिमलाई चिनियाँ बीमा कम्पनीसँग पुनर्बीमा गर्न निर्देशन दिएको छ।
ओडेसा जर्नलको एक रिपोर्टअनुसार यस कार्यमार्फत रुसले चीनमा एलएनजी ढुवानीसँग सम्बन्धित केही वित्तीय जोखिमलाई चिनियाँ बजारमा सार्ने लक्ष्य राखेको छ। चीन हाल रुसी एलएनजीको एकमात्र खरिदकर्ता हो।
चीनको भन्सार सामान्य प्रशासनको तथ्यांकले देखाउँछ कि सन् २०२५ मा चीनमा रुसी एलएनजी आयात १८.३ प्रतिशतले बढेको छ। सन् २०२६ को पहिलो त्रैमासिकमा रुसले चीनलाई १४ लाख एलएनजी आपूर्ति गर्यो। जुन एक वर्षअघिको तुलनामा ६.७२ प्रतिशतले बढी हो।
यस योजनामा सहभागिताले चीनलाई बलियो लाभ प्रदान गर्दछ। किनकि जसले बीमा सर्तहरु नियन्त्रण गर्छ उसले रसद र वितरण सम्भावनालाई पनि नियन्त्रण गर्छ। यद्यपि यो सम्पत्तिको औपचारिक स्वामित्व होइन। यसको समान प्रभाव छ।
सन् २०२२ देखि रुसी बीमा कम्पनीहरुलाई पश्चिमी बीमा बजारबाट काटिएको छ। यसबाहेक एलएनजी ढुवानीको मात्रा र जटिल रसदका कारण घरेलु क्षमता अपर्याप्त छ। –एजेन्सी
