काठमाडौं । बेष्ट फाइनान्स कम्पनीले संस्थापक र सर्वसाधारणको शेयर संरचना परिवर्तन गर्ने भएको छ।
कम्पनीले आज एक सूचना प्रकाशित गर्दै संस्थापक र सर्वसाधारणको शेयर संरचना परिवर्त गर्न लागिएको जनाएको हो। गत कात्तिक १४ गते सम्पन्न कम्पनीको २७ औँ वार्षिक साधारणसभाबाट पारित विशेष प्रस्ताव र नेपाल राष्ट्र बैंकबाट प्राप्त स्वीकृतिबमोजिम शेयर संरचना परिवर्तन लागिएको कम्पनीले जनाएको छ।
हाल कम्पनीमा संस्थापकको ६१.४२ प्रतिशत र सर्वसाधारणको ३८.५८ प्रतिशत शेयर स्वामित्व रहेको छ। अब संरचना परिमार्जन गर्दै कम्पनीमा संस्थापक ५१.४२ प्रतिशत र सर्वसाधारणको ४८.५८ प्रतिशत कायम गर्न लागिएको छ।
शेयर संरचना परिवर्तनका सम्बन्धमा कम्पनीले ७ दिने सूचना प्रकाशित गरिसकेको छ। सो अवधिसम्म संस्थापक शेयरधनीहरुबाट शेयर संरचना परिवर्तन नगर्ने भनी कुनै निवेदन नदिएको कम्पनीले जनाएको छ।
