काठमाडौं । नेपालमा धेरै विद्यार्थी विदेशमा अध्ययन गर्ने मौका पाउन चाहन्छन्। तर, विदेशमा पढ्नु धेरै महँगो छ। विद्यार्थीहरुले जीवनयापन खर्चसँगै शिक्षण शुल्क पनि तिर्नुपर्छ।
कतिपय अभिभावकलाई विदेशको पढाइ खर्च त्यति धेरै नलाग्न सक्छ। तर, जब यसमा खाना, यात्रा, भाडा, लुगाफाटा, किताब र अन्य चीजको खर्च थपिन्छ, तब उनीहरुको पनि बजेट बिग्रन्छ।
यस्तो अवस्थामा स्टडी इन्टरनेसनलले विश्वका विदेशका यस्ता ५ सहरका बारेमा उल्लेख गरेको छ, जुन विदेशी विद्यार्थीका लागि किफायती मानिन्छ।
क्यानबेरा
अस्ट्रेलियाको राजधानी क्यानबेरालाई विश्वकै उत्कृष्ट सहरहरुमध्ये एउटा मानिन्छ। त्यहाँ धेरै शीर्ष विश्वविद्यालय छन्, जस्तै क्यानबेरा विश्वविद्यालय र अस्ट्रेलियन राष्ट्रिय विश्वविद्यालय। क्यानबेरामा बस्न विदेशी विद्यार्थीका लागि अलि सस्तो छ। त्यहाँको भाडा १५० अस्ट्रेलियाली डलरदेखि ३८० अस्ट्रेलियाली डलर (लगभग १३ हजारदेखि ३३ हजार रुपैयाँ) सम्म छ। अर्थात्, अस्ट्रेलियामा अध्ययन गर्न चाहने विद्यार्थीका लागि क्यानबेरा राम्रो विकल्प हुन सक्छ।
बुकिट पन्जाङ
सिंगापुरको शिक्षा प्रणाली एकदमै राम्रो छ। त्यसैले यसलाई एसियामा अध्ययनका लागि राम्रो ठाउँ मानिन्छ। सिंगापुरको पश्चिमी भागमा रहेको बुकिट पन्जाङ सहरमा सबैभन्दा कम भाडा छ। त्यहाँ चार कोठा भएको फ्ल्याट राष्ट्रिय औसतभन्दा लगभग ३०० सिंगापुर डलर (लगभग ३० हजार रुपैयाँ) पर्छ। यसको मतलब सिंगापुरमा बसेर अध्ययन गर्न चाहने विदेशी विद्यार्थीका लागि बुकिट पञ्जाङ सबैभन्दा किफायती ठाउँ हुन सक्छ।
चेङ्दु
चीनमा ५ लाखभन्दा बढी विदेशी विद्यार्थी अध्ययन गरिरहेका छन्। यो संख्या हरेक वर्ष १० प्रतिशतले बढ्ने अपेक्षा गरिएको छ। त्यहाँ बस्ने लागत निरन्तर बढिरहेको छ, तर चेङ्दु सहरमा त्यस्तो छैन। यो चीनमा बस्नका लागि सबैभन्दा सस्ता सहरमध्ये एउटा हो। विदेशी विद्यार्थीले प्रतिमहिना ४ हजार ५०० देखि ४ हजार ७०० चिनियाँ येन (लगभग ८४ हजार रुपैयाँदेखि ८७ हजार ५०० रुपैयाँ) मा चेङ्दुमा आरामसँग बस्न सक्छन्। यसमा भाडा, बिजुली, पानी, खाना, यात्रा र अन्य खर्च समावेश छन्।
शाम शुई पो
हङकङका विश्वविद्यालयहरु एसिया र विश्वका उत्कृष्ट संस्थामा गनिन्छन्। कम खर्चमा बस्न चाहने विद्यार्थीले शाम शुई पो सहर उपयुक्त हुन सक्छ। त्यहाँ किफायती आवास, सस्तो खाना र सांस्कृतिक अनुभवहरुका लागि परिचित छ। हङकङको यो क्षेत्र विदेशी विद्यार्थीका लागि उत्तम छ।
अलोर सेतार
मलेसियाको संस्कृति र सुन्दरताले अलोर सेतार सहरलाई विश्वभरका हजारौँ विदेशी विद्यार्थीका लागि उत्कृष्ट गन्तव्य बनाउँछ। मलेसियामा अध्ययन अमेरिका र बेलायतको तुलनामा अझै सस्तो छ। एक विदेशी विद्यार्थीको औसत बजेट प्रतिवर्ष लगभग १४ हजार ४०० मलेसियन रिंगिट (लगभग साढे ४ लाख रुपैयाँ) हुन्छ। यसमा खाना, यात्रा र आवास समावेश छ। विद्यार्थी बस्नका लागि यो सबैभन्दा सस्तो अलोर सेतार सहर हो।
