काठमाडौं । साना किसान लघुवित्त वित्तीय संस्थाले गत आर्थिक वर्षको सञ्चालन मुनाफाबाट २६.३१ प्रतिशत लाभांश दिने निर्णय गरेको छ ।
कम्पनीको आज विहान बसेको सञ्चालक समितिको बैठकले नियामक निकाय नेपाल राष्ट्र बैंकबाट स्वीकृत भई आगामी बार्षिक साधारणसभाबाट पारित भए पश्चात वितरण गर्ने गरी उक्त लाभांश पारित गरेको जनाएको छ ।
कम्पनीले चुक्ता पुँजि एक अर्ब दुई लाख २९ हजार ४२५.६६ रुपैयाँको २५ प्रतिशत बोनस शेयर वितरण गर्ने र १.३१ प्रतिशत कर प्रयोजनको लागि नगद लाभांश वितरण गर्ने प्रस्ताव गरेको छ ।
