काठमाडौं । डोटीमा आज विहानै भएको एक यात्रुबाहक जीप दुर्घटनामा चार जनाको मृत्यु भएको छ । दिपालयबाट चवराचौतारातर्फ जाँदै गरेको म१च ५५० नम्वरको जीप दुर्घटनामा चार जनाको मृत्यु भएको हो । साँघु्रो सडकबाट करिब दुई सय मिटर तल खसेर जीप दुर्घटनामा परेको थियो ।
डोटीको बोगटान फुड्सिल गाउँपालिका–७ चवराचौतारामा भन्ने स्थानमा जीप दुर्घटनामा परेको हो । घट्नामा स्थानीय वडासचव मञ्जु त्रिपाठी, उनकी सासु, एक बालक र ग्रामीण जलस्रोत व्यवस्थापन परियोजनामा कार्यरत केआईसिंह गाउँपालिका–४ चनेकेसैनका कृषि प्राविधिक हरिनारायण भट्टको घटनास्थलमै मृत्यु भएको छ ।
दुर्घटनामा ग्लोबल आईएमई बैंकको बोगटान शाखामा कार्यरत सुरक्षा गार्ड टिकाराम गिरी, उनकी श्रीमती खेमा गिरी, खत्याडी माध्यामिक विद्यालयका शिक्षक हेमन्त भट्ट र जिप चालक कैलाश बम घाइते भएका छन् । घट्नाको बीमा दावी पर्ने भएको छ । तेस्रो पक्ष बीमा बापत कम्तीमा २३ लाख रुपैयाँ दावी पर्ने जनाइएको छ ।
