काठमाडौं । आज विहानै गुल्मीमा यात्रुबाहक जीप दुर्घटना हुँदा छ जनाको मृत्यु भएको छ । गुल्मीको इस्मा गाउँपालिकाबाट तम्घास आउँदै गरेको लु१ज ११६६ नम्बरको यात्रुबाहक जिप सोही गाउँपालिकाको हुल भन्ने स्थानमा दुर्घटना हुँदा ६ जनाको मृत्यु् भएको हो । नौ जना सवार रहेको जीपमा यात्रारत दुई जना घाइते छ भने एक जना चालक सकुशल रहेका छन् ।
घट्नामा इस्मा गाउँपालिका–४ हुलका ६५ वर्षीय डम्बर हितान, ३३ वर्षका शिव दर्लामी, ३० वर्षीय वसन्त दर्लामी, ३३ वर्षीय धनबहादुर अछामी र मालिका गाउँपालिका–५ का ८० वर्षीय थापा र गुल्मी अस्पतालमा उपचाररत १९ वर्षीय फर्सुराम थापाको मृत्यु भएको प्रहरीले जनाएको छ । जिल्ला प्रहरी कार्यालय गुल्मीका अनुसार दुर्घटनामा ५ जनाको घटनास्थलमै र एक जनाको गुल्मी अस्पतालमा उपचारको क्रममा मृत्यु भएको छ ।
दुर्घटनामा चालक वुद्ध बस्नेत सकुसल रहेका छन् भने सह–चालकसहित दुई जना घाइते छन् । घाइतेहरुको गुल्मी अस्पताल उपचार भइरहेको छ । दुर्घटनाको कारण खुल्न सकेको छैन । घट्नाको बीमा दावी पर्ने भएको छ । सार्वजनिक सवारी भएकोले अनिवार्य गरिएको तेस्रो पक्ष बीमा बापत ३० लाख भन्दा बढि दावी भुक्तानी पर्नेछ भने सवारी बीमा बापतको थप दावी पर्ने सक्ने देखिएको छ ।
