काठमाडौं । साताको अन्तिम दिन नेप्सेमा उछाल आएको छ । एकै दिन सात अर्ब ६१ करोड ३० लाख ३० हजार ९१ रुपैयाँको कारोबार हुँदा नेप्सेले समेत १९२६.९२ को ऐतिहासिक बिन्दु छोएर १८९३.२४ अंकमा फर्केको छ ।
बिहिवार एक करोड ७१ लाख ८८ हजार ९९ कित्ता शेयर कारोबार भएको छ । कूल् २०१ वटा कम्पनीको शेयर कारोबार हुँदा साल्ट ट्रेडिङ र ङादी ग्रुप पावरका लगानीकर्ताहरुले गुमाएका छन् ।
त्यस्तै, एनएमबी माईक्रो फाइनान्स र पाँचथर पावर कम्पनीका लगानीकर्ताहरुले सबैभन्दा धेरै कमाएका छन् । त्यस्तै, हिमालयन उर्जा विकास कम्पनी, नबिल बैंकका लगानीकर्ताहरुले कमाएका छन् ।
