काठमान्डौ। युनाईटेड इन्स्योरेन्स नेपालको दोश्रो बजारमा कारोवार हुने कम्पनीमध्ये सबै भन्दा थोरै मूल्यमा कारोवार भएको कम्पनी हो। तिहार अघि युनाईटेड इन्स्योरेन्सको प्रति कित्ता ४६० रुपैयाँ बजार मूल्य बन्द भएको देखिन्छ ।
बिहीवार युनाईटेड इन्स्योरेन्सको ४ करोड ६४ लाखको शेयर कारोवार भएकोमा ब्रोकर नम्बर ४४ बाट मात्र ३ करोड ११ लाख बराबरको शेयर खरिद भएको छ। अन्य कुनै पनि ब्रोकरबाट आक्रामक खरिद बिक्री नभए पनि ब्रोकर नम्बर ४४ ले भने निकै आक्रामक रुपमा शेयर खरदि गरेको छ।
ब्रोकर नम्बर ४४ ले बिहीवार मात्र नभएर बुधवार पनि आक्रामक रुपमा शेयर खरदि गरेको थियो। गत बुधवार र बिहीवार गरेर करिव ४ करोड ७८ लाख बाराबराको शेयर ४४ नम्बर ब्रोकर बाट खरिद भएको छ ।
