काठमाडौं । यस वर्षको मिस नेपालमा भाग लिने २१ जना युवतीहरुले तयारी सुरु ग रेका छन् । नेपालको २६ औँ नेपाल सुन्दरी प्रतियोगितामा २१ जनाबीच प्रतिस्पर्धा हुने आयोजक हिडेन ट्रेजरले जनाएको छ ।
हिडन ट्रेजर मिस नेपाल–२०२० ले मंगलबार राजधानीमा ती प्रतिस्पर्धीहरुबारे सञ्चारकर्मीलाई जानकारी दिएको हो । प्रतिस्पर्धामा मोरङ, काभ्रे, दाङ, भक्तपुर, काठमाडौँ र चितवनका युवती सहभागी छन् । प्रतियोगिताको अन्तिम चरणको स्पर्धा आगामी मङ्सिर २० गते हुने कम्पनीले जनाएको छ । मिस नेपालमा उत्कृष्ट हुने युवतीले कार लगायतका धेरै सुविधा पाउनेछिन् ।
मिस नेपाल तथा प्रतियोगितामा सहभागी युवतीहरु बीमा, बैंकिङ क्षेत्रको प्रबद्र्धनमा सहभागी हुुने गरेका छन् ।
