काठमाडौं । स्टक ब्रोकर एशोसिएशन अफ नेपालको आज सम्पन्न भएको २६ औं साधारणसभाले सर्र्वसम्मत रुपमा नयाँ नेतृत्व चयन गरेको छ ।
शुक्रबार काठमाडौंमा सम्पन्न भएको २६ औं वार्षिक साधारण सभाबाट सर्वसम्मत रुपमा ब्रोकर नम्बर ३६, सेक्यूर्ड सेक्यूरिटिज लिमिटेडका अध्यक्ष सन्तोष मैनालीको नेतृत्वमा नयाँ कार्यसमिति निर्वाचित गरेको छ । संघको विधान अनुसार मैनाली आगामी दुई वर्ष अध्ययन बन्ने छन् । उनी यसअघिको कार्य समितिमा महासचिव थिए ।
आज निर्वाचित नयाँ कार्यसमितिको उपाध्यक्षमा धर्मराज सापकोटा, महासचिवमा गुणनिधि भुसाल, सचिवमा रणदेव पन्त, कोषाध्यक्षमा भक्तिराम घिमिरे र सदस्यहरुमा रवीन्द्र श्रेष्ठ, फणीन्द्र ढकाल, सुयोग खनाल, मित्रलाल श्रेष्ठ र मदन पौडेल निर्वाचित भएको संघले जनाएको छ । संघको साधारणसभामा बैंकलाई लाईसेन्स दिने विषय मुख्य रुपमा उठेको छ ।
नव निर्वाचित कार्यसमितिले आजै शपथ ग्रहण गरी कार्यभार सम्हालेको छ ।
