काठमाडौं । नेपाल हाइड्रो एण्ड इलेक्ट्रिक लिमिटेडले कात्तिक २७ गते वार्षिक साधारण सभा गर्ने भएको छ । कम्पनीको सञ्चालक समितिको बैठकले गरेको निर्णय अनुसार कम्पनीको चौधौँ वार्षिक साधारण सभाको निर्णय गरेको हो । उक्त सभा बुटवलस्थित क्लब डेनेभो होटल, रूपन्देहीमा दिउँसो १२।३० बजेबाट सुरू हुने जनाएको छ ।
सभामा कम्पनीको सञ्चालक समितिको तर्फबाट अध्यक्षद्वारा आर्थिक वर्ष २०७४/७५ को वार्षिक प्रतिवेदनबारे छलफल गरी पारित गरिनेछ । त्यस्तै, कम्पनीको २०७५ साल असार मसान्तको लेखापरीक्षण प्रतिवेदन, वासलात, नाफा नोक्सान हिसाब र सोहि अवधिको नगद प्रवाह विवरण लगायतका वित्तिय विवरणहरू छलफल गरी पारित गरिने एजेण्डा छन्।
त्यसैगरी सभामा लेखापरीक्षक नियुक्ती गरी पारिश्रमिक पनि तोकिने समेत एजेण्डा रहेको छ । कात्तिक १६ गते गर्ने भनिएको उक्त सभा स्थगित भई अब कात्तिक २७ गते हुन लागेको कम्पनीले जनाएको छ ।
