काठमाडौं । आर्थिक पत्रकार संघ (नाफिज) ले आज नवनियुक्त अर्थमन्त्री विष्णु पौडेललाई सुझाव पेश गरेको छ । नवनियुक्त अर्थमन्त्री पौडेललाई बधाई दिँदै नाफिजका उपाध्यक्ष्य इन्द्र बाँनियाको नेतृत्वमा गएको आर्थिक पत्रकारहरुको टोलीले देशको अर्थतन्त्रको विकासका लागि बुँदागत रुमा सुझाव दिएको हो ।
नाफिजले बुँदागत रुपमा अर्थमन्त्रीलाई बुझाएको ज्ञापन पत्रमा आयात नियमन गर्नुपर्ने, सामाजिक सुरक्षा कोषमा आवद्ध अनिवार्य गर्नुपर्ने, सञ्चार माध्यममा कार्यरत पत्रकारहरुको सुरक्षाको लागि योगदान गर्नुपर्ने, सञ्चार क्षेत्रमा आउने लगानी पारदर्शी हुनुपर्ने लगायतका सुझावहरु छन् ।
त्यस्तै कोरोना बीमाको कारण सिंगो बीमा उद्योग संकट परेकोले सो समस्या तत्काल हल गर्नु सुझाव सहभागी पत्रकारहरुले अर्थमन्त्रीलाई दिएका छन् ।
