काठमाडौँ । यस वर्षको दशैंको अवसरमा घर जाँदा वा फर्कदा यती एयरलाइन्समार्फत यात्रा गर्दा दुबई घुम्ने मौका पाइने भएको छ । सो कम्पनीले बडादशैँको अवसरमा आफ्ना यात्रुका लागि आकर्षक अफर सार्वजनिक गर्दै यति एयरलाइन्स चढेका यात्रुहरु मध्येबाट काठमाडौं–अबुधावी निःशुल्क टिकट उपलब्ध गराउने जनाएको छ ।
यति एयरलाइन्सको सम्पूर्ण गन्तव्यमा उडान गर्ने यात्रुहरु मध्येबाट पाँच जना भाग्यशाली विजेताले आकर्षक उपहारहरु पाउने कम्पनीले जनाएको छ । पाँच जना बिजेता मध्ये सबैभन्दा ठूलो उपहारको एक जोडीलाई दुबई घुम्ने मौका रहेको यति एयरलाइन्सले बिज्ञप्तिमार्फत जनाएको छ । त्यस्तै, दोस्रो विजेताका एक जोडीका लागि चितवनको कसरा होटलमा बसोबासको व्यवस्था गरिने जनाएको छ । त्यस्तै, पुरस्कार विजेता एक जोडीका लागि काठमाडौंको गोकर्ण फरेस्ट रिसोर्टमा बिताउने मौका पाइने कम्पनीले जनाएको छ ।
यति एयलाइन्सका अनुसार यति एयरलाइन्स चढेका यात्रु मध्येबाट छानिएका विजेता एक जोडीका लागि नोम्याड होटलमा एकरात निःशुल्क बस्ने र खाने सुविधा पाउनेछन्् ।
