काठमाडौं । यो साता नेपाल स्टक एक्सचेञ्जमा चार कम्पनीको २ करोड ६ लाख ४१ हजार ३ सय ८४ कित्ता शेयर सुचिकृत भएको छ । नेप्सेमा एनएमबि लघुवित्तको बोनश शेयर, हिमालयन बैंकको बोनश शेयर, जनरल इन्स्योरेन्सको आइपीओ र स्वाबलम्बन लघुवित्तको बोनश शेयर सुचिकृत भएको हो ।
हिमालयन बैंक लिमिटेडको ८५ लाख २० हजार २ सय ५५ दशमलव ८४ कित्ता बोनस शेयर सुचिकृत भएको छ । जनरल इन्स्योरेन्स कम्पनी नेपाल लिमिटेडको १ करोड कित्ता साधारण शेयर (आइपीओ) सुचिकृत भएको छ ।
त्यस्तै, स्वावलम्बन लघुवित्त वित्तीय संस्था लिमिटेडको १६ लाख ३५ हजार १ सय ९ दशमलव ८४ कित्ता बोनस शेयर सुचिकृत भएको हो भने एनएमबि लघुवित्त वित्तीय संस्था लिमिटेडको ४ लाख ८६ हजार १८ दशमलव ७५ कित्ता बोनस शेयर सुचिकृत भएको नेप्सेले जनाएको छ ।
