काठमाडौं । शिवम सिमेन्ट लिमिटेडले कार्तिक २४ गते सोमबार वार्षिक साधारण सभा आह्वान गरेको छ । कम्पनीको असोज २८ गते, बुधबार बसेको सञ्चालक समितिको बैठकले गरेको निर्णयले उक्त सभाको मिति तय गरेको हो ।
सभा भर्चुअल माध्यमबाट कम्पनीको कर्पोरेट कार्यालय, अनामनगरको सभाहल, काठमाडौँमा बिहान ११ बजेबाट सुरू हुने कम्पनीले जनाएको छ ।
यसैगरी, सभाले कम्पनीको असोज २८ गते, बुधबार बसेको सञ्चालक समितिको बैठकले गरेको निर्णय अनुसार आर्थिक वर्ष २०७६र०७७ को मुनाफाबाट कम्पनीका शेयरधनीहरूलाई २४ दशमलव २१ प्रतिशतले हुन आउने १ अर्ब ६ करोड ५२ लाख ४० हजार रुपैयाँ बराबरको नगद लाभांश वितरण गर्ने प्रस्ताव पारित गर्नेछ ।
सभामा कम्पनीको सञ्चालक समितिको तर्फबाट अध्यक्षद्वारा आर्थिक वर्ष २०७६/७७ को वार्षिक प्रतिवेदन, आर्थिक वर्ष २०७६/७७ को लेखापरीक्षण प्रतिवेदन,आर्थिक वर्ष २०७७/७८ को लागि लेखापरीक्षक नियुक्ती गरी पारिश्रमिक तोक्ने लगायतका एजेन्डाहरू रहेका छन् ।