काठमाडौं । भदौ मसान्तसम्ममा १९ जीवन बीमा कम्पनीहरुले ५ अर्ब रुपैयाँ माथि बीमाशुल्क आर्जन गर्न सफल भएका छन् । बीमा समितिको तथ्याङ्क अनुसार भदौ मसान्तसम्ममा जीवन बीमा कम्पनीहरुले २० अर्ब ९६ करोड रुपैयाँ कुल बीमाशुल्क आर्जन गरेका थिए।
समितिको तथ्याङ्क अनुसार भदौ मसान्तसम्ममा सबैभन्दा धेरै प्रथम बीमाशुल्क आर्जन गर्ने कम्पनी नेपाल लाइफ इन्स्योरेन्स रहेको छ । कम्पनीले दुई महिनाको अवधिसम्ममा १ अर्ब ३८ करोड रुपैयाँ प्रथम बीमाशुल्क आर्जन गर्न सफल भएको छ ।
दोस्रोमा युनियन लाइफ इन्स्योरन्स कम्पनी रहेको छ । कम्पनीले यस अवधिमा ४७ करोड रुपैयाँ प्रथम बीमाशुल्क आर्जन गर्न सफल भएका छन् । तेस्रोमा नेशनल लाइफ इन्स्योरेन्स रहेको छ । कम्पनीले यस अवधिमा ४४ करोड रुपैयाँ बीमाशुल्क आर्जन गर्न सफल भएका छन् ।
समितिको तथ्याङ्क अनुसार लाइफ इन्स्योरेन्स कर्पोशन (नेपाल)ले ३८ करोड रुपैयाँ, सरकारी स्वामित्वमा रहेको राष्ट्रिय बीमा संस्थानले ३१ करोड रुपैयाँ, एशियन लाइफले २८ करोड रुपैयाँ, रिलायबल लाइफले २१ करोड रुपैयाँ, ज्योति लाइफले २० करोड रुपैयाँ, सिटिजन लाइफले १७ करोड रुपैयाँ र आइएमई लाइफले १७ करोड रुपैयाँ प्रथम बीमाशुल्क आर्जन गर्न सफल भएका छन् ।
मेट लाइफले १६ करोड रुपैयाँ, प्राइम लाइफले १६ करोड रुपैयाँ, सूर्या लाइफले १३ करोड रुपैयाँ, गुराँस लाइफले १० करोड रुपैयाँ, सन नेपाल लाइफले १० करोड रुपैयाँ, रिलायन्स लाइफले ९ करोड रुपैयाँ, प्रभु लाइफले ९ करोड रुपैयाँ, सानिमा लाइफले ९ करोड रुपैयाँ र महालक्ष्मी लाइफले ७ करोड रुपैयाँ प्रथम बीमाशुल्क आर्जन गर्न सफल भएका छन् ।
