काठमाडौं । नेपाल स्टक एक्सचेन्ज (नेप्से) को सर्भरमा समस्या आएपछि केहीबेर अघिदेखि कारोबार स्थगित गरिएको छ । नेप्सेका प्रमुख कार्यकारी अधिकृत चन्द्र सिंह साउदले सर्भरमा समस्या आएको जनाउँदै समस्याको पहिचान गर्ने काम भइरहेको बताए ।
आज मध्यान्ह अन्दाजी १२ः २० को समयदेखि नेप्सेको टिएमएसमा समस्या आएको छ । तर, नेप्सेले के कारणले समस्या आयो भन्ने पत्ता लगाउने काम भइरहेको बताए । उनले भने, ‘हामी समस्या पत्ता लगाउत प्रयासरत छौं । छिट्टै समस्या समाधान गरेर कारोबार खोल्छौं र स्थगित भएको समय बराबर समय थप गर्छौै ।’ उनले शेयर खरिद बिक्रीकर्ताहरुलाई केहीबेर धैर्य गर्न आग्रह गरेका छन् ।
करिब ४६ करोड कारोबार भएपछि नेप्सेको सर्भरमा समस्या आएको हो । आज शेयरको मूल्य केही घटेको छ । स्थगित हुनुअघिसम्म नेप्से ११ अंकले घटेको छ ।
