काठमाडौं । आर्थिक वर्ष ७६/७७ मा नेपालमा संचालनमा आएका १९ जीवन बीमा कम्पनीहरुको जीवन बीमा कोषको आकार २ खर्ब ९६ अर्ब पुगेको छ । जीवन बीमा कम्पनीहरुको लागि जीवन बीमा कोषलाई निकै महत्वपूर्ण कोषको रुपमा लिईन्छ ।
जीवन बीमा कोषलाई आधार मान्दा नेपाल लाइफ इन्स्योरेन्सको जीवन बीमा कोष सबै भन्दा ठूलो छ। नेपाल लाईफको जीवन बीमा कोषमा ८७ अर्ब ०३ करोड छ । त्यस्तै दोश्रोमा एलआईसी नेपालको जीवन बीमा कोषमा ६७ अर्ब ७० करोड र तेश्रोमा नेशनल लाइफको जीवन बीमा कोषमा ३३ अर्ब ७२ करोड रहेको छ ।
सरकारी लगानी रहेको राष्ट्रिय बीमा सस्थान जीवन बीमा कोषको मामलामा राम्रै छ । कम्पनीको जीवन बीमा कोषमा २६ अर्ब ५४ करोड रहेको छ । त्यस्तै मेट लाईफ इन्स्योरेन्सको जीवन बीमा कोषमा पनि १७ अर्ब ८६ करोड रहेको छ।
नयाँ जीवन बीमा कम्पनी मध्ये यूनियन लाईफको जीवन बीमा कोषमा सर्वाधिक ४ अर्ब २८ करोड रकम हुँदा दोश्रोमा ज्योति लाईफ इन्स्योरेन्सको जीवन बीमा कोषको आकार १ अर्ब ९७ करोड पुगेको छ।
