काठमाडौं । एनआरएन इन्फ्रास्टक्चर डेभलपमेण्ट कम्पनीको आईपीओ शेयरधनीको डिम्याट खातामा आएको छ । कम्पनीको शेयर ‘एनआरएन’ संकेतबाट शेयरधनीको डिम्याट खातामा जम्मा भएको हो । कम्पनीले आइपीओको बाँडफाँड साउन २७ गते गरेको थियो ।
आईपीओ बाँडफाँड गरेको १२ औं दिनमा कम्पनीले शेयरधनीको डिम्याट खातामा शेयर पठाएको हो । उक्त कम्पनीको आईपीओमा ४ लाख १७ हजार ९५८ जनाबाट रू। १ अर्ब ५३ करोड बराबरको आवेदन परेको थियो ।
आईपीओमा आवेदन गर्ने ३ लाख २० हजार ६१४ जना आवेदकले गोलाप्रथाबाट १० कित्ता शेयर पाएका थिए । कम्पनीले ३३ लाख ९८ हजार कित्ता आइपीओ निष्कासन गरेको थियो ।
जसमध्ये १ लाख ६९ हजार ९०२ कित्ता सामुहिक लगानीकोषको लागि छुट्याएको,६७ हजार ९६१ कित्ता कर्मचारीको लागि र बाँकी रहेको ३१ लाख ६० हजार १८३ कित्ता शेयर सर्वसाधारणको लागि विक्री खुल्ला गरिएको थियो ।
कर्मचारीका लागि सुरक्षित गरेकोमध्ये ४५ हजार ९५७ कित्ता विक्री नभएपछि सो शेयरसमेत थपेर सर्वसाधारणको लागि ३२ लाख ६ हजार १४० कित्ता शेयर बाँडफाँड भएको थियो ।
