कामठाडौं । आज थप ७४३ जनामा कोरोना भाइरस संक्रमित थपिएका छन् । हिजो अपरान्ह चार बजेदेखि आज अपरान्ह चार बजेसम्म देशैभरिका विभिन्न जिल्लाहरुमा सो मात्रामा कोरोना भाइरस संक्रमित थपिएका हुन् ।
२४६ महिला ४९७ जना पुरुषमा आज कोरोना भाइरस पुष्टि भएको स्वास्थ्य तथा जनसंख्या मन्त्रालयले जनाएको छ । स्वास्थ्य तथा जनसंख्या मन्त्रालयले नेपालभित्र कूल ३२ हजार ६७८ जनामा कोरोना भाइरस संक्रमण भएको छ । मन्त्रालयका अनुसार आज १० हजार २ सय ३४ पीसीआर परीक्षण गरिएको छ । मन्त्रालयका अनुसार आज १७५ जना कोरोना संक्रमण निको भई डिस्चार्ज भएका छन् ।
यसैबीच, स्वास्थ्य तथा जनसंख्या मन्त्रालयले कोभिड अस्पतालको लेभल खारेज गरिएको जनाएको छ । आजदेखि कोभिड पोजेटिभका बिरामीहरु जुन अस्पतालमा भेटिएको हो, सोही अस्पतालमा थप उपचार जारी गर्ने निर्णय गरिएको मन्त्रालयका प्रबक्ता डा. जागेश्वर गौतमले जानकारी दिए ।
