काठमाडौं । नागरिक लगानी कोषले सबै राष्ट्र सेवक कर्मचारीहरुलाई सावधिक जीवन बीमाको लागि सही विवरण भरेर पठाउन आग्रह गरेको छ । कोषले आज एक सूचना जारी गर्दै भनेको छ, ‘नागरिक लगानी कोषबाट आव २०७५।०७६ देखि राष्ट्र सेवक कर्मचारीहरुको सावधिक जीवन बीमा कोष कार्यक्रम सञ्चालन हुँदै आएको छ । यस कार्यक्रममा सहभागी हुने सम्पूर्ण राष्ट्र सेवक कर्मचारीहरुको बीमा कोषकट्टी रकम कोषमा संकलन गरी राष्ट्रिय बीमा संस्थानमा बीमा शुल्क पठाई बीमा कार्यक्रममा सरिक बनाई निजहरुको प्रत्येक वर्ष नविकरण गराउनु पर्दछु ।’
कोषले प्रदान गरेको परिचय पत्र नं, सम्बन्धीत किताब खानाहरुले प्रदान गरेको सिट रोल नं अनिवार्य रुपमा उल्लेख गरी कोषको वेभसाईटमा उपलब्ध नमुना बमोजिमको फाँटवारी भरेर पठाउन आग्रह गरेको छ ।
