काठमाडौं । केन्द्रीय निक्षेप प्रणाली (सिडिएससी)मा सिईओ नियुक्त प्रक्रिया अन्तिम चरणमा पुगेको छ । सिडिएससीको सिईओमा आवेदन दिएका उम्मेदवारहरुले पेश गरेको भिजनमाथि छलफल सकिएको छ ।
आवेदकहरुले सिडिएससीमा सिईओ बन्नका लागि आ–आफ्ना प्रस्तुतिकरण गत शुक्रबार गरेको हुन् । सिईओमा छनौटमा परेकाहरु कृष्ण गिरी, पूर्णप्रसाद आचार्य, मानबहादुर खत्री, डिल्ली प्रसाद चौधरी, भीष्मराज चालिसे र दिनेश कुमार बर्तौलाले आवेदन दिएका थिए । गत शुक्रबार छ जना आवेदकले प्रस्तुतिकरण सम्पन्न गरेका छन् । प्रस्तुतिरकण सुनिसकेपछि अब अन्तर्वार्ताको पालो छ ।
सिडिएससिले गत असार १६ गते खुला प्रतिस्पर्धाका आधारमा प्रमुख कार्यकारी अधिकृत पदका नियुक्तका लागि आवेदन माग गरेको थियो । जम्मा सात जनाले सिईओ बन्न आवेदन दिएकोमा ६ जनालाई छनौट समितिले प्रस्तुतीकरणको लागि चयन गरेको थियो ।
