नेप्से परिसूचक साताको पहिलो दिन १३ दशमलव ६२ अङ्कले घटेर १२२७ दशमलव ४९ अङ्कमा बन्द भएको छ । कारोबार रकम ३२ करोड ६४ लाख रुपैयाँ पुगेको छ ।
होटल क्षेत्रको परिसुचक बाहेक अरु सबै क्षेत्रको उपसुचकमा गिरावट आएको छ । सबै भन्दा धेरै बैंकिङ क्षेत्रको परिसुचकमा १ दशमलव ४४ प्रतिशतले गिरावट आएको छ । होटल क्षेत्रको परिसुचकमा ०.०१ प्रतिशतले वृद्धि आएको छ ।
सबैभन्दा धेरै ग्लोवल आईएमई बैंक लिमिटेडको २ करोड ३३ लाख बराबरको शेयर किनबेच भयो ।
सबै भन्दा धेरै नेपाल सेवा लघुवित्त वित्तीय संस्थाको सेयरमा ५ दशमलव ९५ प्रतिशतको वृद्धि देखियो भने सबै भन्दा धेरै आएमई जनरल इन्स्योरेन्स कम्पनीको शेयर ५ प्रतिशतले घट्न पुग्यो ।
निर्जीवन बीमा कम्पनीको उपसुचक १ दशमलव ४ प्रतिशतले घटेको छ भने ५ हजार ६ सय २६ रुपैँया को बिन्दुमा कारोबार बन्द भएको छ । यसै गरी जीवन बीमा कम्पनीको उपसूचक ० दशमलव ७५ प्रतिशतले घटेर ५ हजार ५ सय २१ को बिन्दुमा बन्द भएको छ ।
आज दिनभरिमा निर्जीवन बिमा कम्पनीहरूको १ करोड ८८ लाख बराबरको कारोबार भएको छ , भने जीवन बीमा कम्पनीहरूको १ करोड ३७ लाख बराबरको कारोबार भएको छ ।
निर्जीवन र जीवन बीमाको उपसुचकमा गिरावट आएको छ ।
