काठमाडौं । पछिल्लो २४ घण्टामा उपत्यकामा ९१ जनामा कोरोना भाइरसबाट संक्रमित भएका छन् । काठमाडौंका ९० जना ललितपुरका १ जनामा कोरोना पोजेटिभ भेटिएको हो । स्वास्थ्य तथा जनसंख्या मन्त्रालयले आज नियमित पत्रकार सम्मेलनमार्फत पछिल्लो २४ घण्टामा देशभरिमा ३८० जनामा कोरोना भाइरस पोजेटिभ भएको जनाएको छ ।
राजधानीका विभिन्न अस्पतालहरुमा गरिएको परिक्षणको क्रममा सो मात्रामा कोरोना भाइरस संक्रमित भेटिएको हो । पछिल्लो पटक बीर अस्पतालमा काठमाडौंमा कोरोना भाइरस संक्रमित भेटिएन भने अन्य प्रायः सबै अस्पतालहरुमा पोजेटिभ पुष्टि भएको छ ।
स्टार अस्पतालमा काठमाडौं १३ जना र ललितपुरका एक जना, जनस्वाथ्य प्रयोगशाला टेकुमा काठमाडौंका ४४ जना, शुक्रराज ट्रपिकल अस्पतालमा काठमाडौंका एक जना, पाटन अस्पतालमा काठमाडौंका पाँच जना, शिक्षण अस्पताल, ह्याम्स अस्पतालमा काठमाडौंका ८ जना, नेपाल कोरिया मैत्री अस्पतालमा १ जना कोरोना पोजेटिभ फेला परेको छ ।
नेपालमा कोरोना संक्रमितको संख्या २२ हजार ९७२ पुगेको जनाएको छ । हालसम्म १६ हजार ३५३ जना उपचार पश्चात निको भएका छन् । संक्रमितमध्ये ७५ जनाको मृत्यु भएको छ ।
