काठमाडौं । अरुण भ्याली हाइड्रोपावर कम्पनीले सत प्रतिशत हकप्रद शेयर जारी गर्न विद्युत नियमन आयोगको अनुमति पाएको छ । कम्पनीले साउन १६ गते विद्युत नियमन आयोगको अनुमति पाएको जनाएको छ ।
कम्पनीले निष्कासन गर्ने हकप्रद शेयरलाई केयर रेटिङ नेपालको ग्रेड ४ रेटिङ प्रदान गरेको छ । कम्पनीले ९९ लाख ८३ हजार २३१ कित्ता हकप्रद शेयर निष्कासन गर्नको लागि रेटिङ गराएको हो ।
चालू आवको तेस्रो त्रैमासमा कम्पनीको नाफा ३८ दशमलव ९१ प्रतिशतले वृद्धि भएको छ । सो अवधिमा कम्पनीले रू। ५ करोड ७९ लाख नाफा कमाएको हो । यो नाफा गत आवको तेस्रो त्रैमासमा कम्पनीले रू। ४ करोड १७ लाख नाफा कमाएको थियो ।
चालू आवको तेस्रो त्रैमासमा कम्पनीको विद्युत विक्री आम्दानीमा वृद्धि भएकाले नाफा बढेको हो । गत आवको तेस्रो त्रैमासमा कम्पनीले विद्युत विक्रीबाट ४ करोड २० लाख आम्दानी गरेकोमा चालू आवको तेस्रो त्रैमासमा कम्पनीले ५ करोड ४७ लाख आम्दानी गरेको हो ।
चुक्तापूँजी रू। ९३ करोड ३० लाख रहेको कम्पनीले जगेडा कोषमा ६ करोड ६८ लाख सञ्चित गरेको छ हो ।
