काठमाडौं । लिबर्टी इनर्जी कम्पनीले लमजुङ स्थित आयोजना प्रभावितलाई निष्काशन गरेको आईपिओमा आवेदन दिने आज अन्तिम दिन रहेको छ । कम्पनीले फागुन २७ गतेदेखि आईपिओ बिक्रि खुला गरेकोमा कोभिडको कारण स्थगित भएर साउन ७ देखि पुनः शेयर निष्काशन गरेको थियो ।
कम्पनीले अति प्रभावित, कम प्रभावित र प्रभावित गरी ३ तहमा गरी स्थानियलाई १५ लाख कित्ता शेयर निष्काशन गरेको हो । लगानीकर्ताले न्युनतम १० कित्ता र अधिकतम १० हजार कित्तासम्मको लागि आवेदन दिन सक्ने छन् । आईपिओ निष्काशनको लागि एनआइबिएल एस क्यापिटल बिक्रि प्रबन्धक रहेको छ ।
कम्पनीले नेपाल धितोपत्र बोर्डबाट सर्वसाधारण र स्थानीयलाई गरी ३७ करोड ५० लाख रुपैयाँको ३७ लाख ५० हजार कित्ता शेयर निष्काशन गर्न अनुमति पाएको हो । कम्पनीको आईपिओले ग्रेड ४ को रेटिंग पाएको छ । इक्रा नेपालले कम्पनीलाई ग्रेड ४ को रेटिंग प्रदान गरेको हो ।
कम्पनीले कम्पनीले लमजुङ जिल्लास्थित २५ मे.वाको दोर्दी “ए” जलविद्युत आयोजनाको निर्माण गरिरहेको छ ।
