काठमाडौं । नेपाली बजारमा सुनको मूल्य दिनप्रति दिन बढ्दै गएको छ । आज आइतबार सुनको मुल्य प्रतितोला ३०० रुपैयाँले बढेर हालसम्मकै उच्च विन्दुमा पुगेकोे छ । यस्तै चाँदीको भाउ पनि ३० रुपैयाँ बढेको छ। चाँदीको भाउ यसअघि साउन १३ गते १ हजार २४५ रुपैयाँसम्म पुगेको थियो।
नेपाल सुनचाँदी व्यवसायी महासंघका अनुसार साउन १८ गते आइतबार छापावाल सुन प्रतितोला ९९ हजार ६०० रुपैयाँ तेजावी ९९ हजार १६० रुपैयाँ तथा चाँदी १ हजार २३० रुपैयाँ पुगेको छ ।
शुक्रबार छापावाल सुन प्रतितोला ९९ हजार ३०० रुपैयाँ, तेजावी ९८ हजार ८६५ रुपैयाँ तथा चाँदी १ हजार २०० रुपैयामा काारोबार भएको थियो।
