काठमाडौं । डिशहोमले पहिरो प्रभावितलाई राहत वितरण गरेको छ । कम्पनीले सामाजिक उत्तरदायीत्व कार्यक्रमअन्तर्गत सिन्धुपाल्चोकका पहिरो प्रभावितलाई राहत वितरण गरेको जनाएको छ । डिशहोमले सिन्धुपाल्चोक जिल्लाको बाह्रबिसे नगरपालिका ५ जम्बुमा पहिरो प्रभावित स्थानियलाई राहत वितरण गरेको जनाएको छ ।
पहिरो पिडित २८ घर परिवारलाई ४ लाख २० हजार रुपैयाँ रकम राहत स्वरुप उपलव्ध गराईएको कम्पनीले जानकरी दिएको छ । डिशहोमका स्थानिय वितरक र प्रतिनिधी पहिरोबाट अतिप्रभावित जम्बुसम्म पुगेर उक्त सहयोग रकम स्थानिय परिवारलाई उपलब्ध गराएको जनाएको छ ।
त्यस्तै, कम्पनीले एसईई तयारी कक्षा देखि लकडाउनको समयमा विद्यार्थिको पढाईमा सहयोग हुने कक्षा ४ देखि १० सम्मको पाठ्यक्रम टेलिभिजन कक्षामार्फत प्रशारण गरिरहेको जनाएको छ ।
