सुनको मुल्यमा ऐतिहासिक रेकर्ड, कतिमा हुँदैछ कारोबार?

काठमाडौं । नेपाली बजारमा सुनको मूल्य दिनप्रति दिन बढ्दै गएको छ । मूल्य बढ्ने क्रममा आज आइतबार सुन तोलामा ९६ हजार ३०० रुपैयाँमा कारोबार भएको छ । नेपाल सुनचाँदी व्यवसायी महासंघका अनुसार कारोबारको अन्तिम दिन शुक्रबारको तुलनामा सुनको मूल्य आज तोलामा रु ५०० बढेको हो ।

महासंघले शुक्रबार सुनको मूल्य तोलामा ९५ हजार ८०० कायम गरेको थियो । यस्तै आइतबार तेजावी सुनको मूल्य ९५ हजार ८६० रुपैयाँ कायम भएको छ । त्यस्तै, चाँदीको मूल्य ११ सय ५५ रुपैयाँ प्रतितोलाका दरले कारोबार भएको छ ।