ज्योति विकास बैंकले शाखा प्रबन्धक, रिलेसनसिप म्यानेजर तथा अप्रेसन इञ्चार्ज पदका लागि कर्मचारीको माग गरेको छ । बैंकले २० जना शाखा प्रबन्धक र २० जना रिलेसनसिप म्यानेजर तथा अप्रेसन इञ्चार्ज माग गरेको हो ।
बैंकले भैरहवा, आवुखैरेनी, बोडे, महाराजगञ्ज, बनेपा, कावासोती, सिन्धुली, धरान, वालिङ, गल्छि, हरिवान, गाइघाट, रामगोपालपुर, खोर्साने, फापरबारी, बागदुला लगायतका शाखा कार्यालयको लागि कर्मचारी माग गरेको हो ।
शाखा प्रबन्धकको लागि कम्तिमा स्नातकोत्तर गरी बैंकिङ क्षेत्रमा न्युनतम ५ वर्षको अनुभव हुनु पर्ने बैंक्ले जनाएको छ । रिलेसनसिप म्यानेजर तथा अप्रसेसन इञ्चार्जको लागि स्नातक उत्तीर्ण गरि बैंकिङ क्षेत्रमा कम्तिमा दुई वर्षको अनुभव भएका व्यक्तिले आवेदन दिन सक्ने छन् ।
ईच्छुक र योग्यता पुगेका व्यक्तिले कात्तिक ८ गतेसम्म बैंकको वेवसाइट मार्फत आवेदन दिन सकिने बैंकको सूचनामा उल्लेख गरिएको छ ।
