काठमाडौं । आज बुधबार चार सय ८२ जना कोरोना संक्रमित थपिएका छन् । जसमध्ये ११७ जना महिला र ३६५ जना पुरुष रहेका स्वास्थ्य तथा जनसंख्या मन्त्रालयले जनाएको छ । यससँगै नेपालमा कोरोना संक्रमणको पुष्टि हुनेको संख्या १४ हजार ४६ पुगेको छ ।
संक्रमितमध्ये काठमाडौंका १० जना, ललितपुरका ५ जना र भक्तपुरका २ जना रहेका छन् । नेपालमा हालसम्म कोरोना मुक्त भई डिस्चार्ज हुनेको संख्या चार हजार ६५६ पुगेको छ ।
आज नेपालमा थप एक जनाको कोरोनाका कारण निधन भएको छ । योसँगै कोरोना संक्रमणका कारण निधन हुनेको संख्या ३० पुगेको स्वास्थ्य तथा जनसंख्या मन्त्रालयले जनाएको छ ।
