काठमाडौं । नेपालमा पछिल्लो २४ घण्टामा थप ४ सय ७६ जना संक्रमितहरु थपिएका छन् । स्वास्थ्य तथा जनसङख्या मन्त्रालयको नियमित प्रेस ब्रिफिङमा मन्त्रालयका प्रवक्ता डा. जागेश्वर गौतमले यस्तो जानकारी दिएका हुन् ।
मन्त्रालयका अनुसार १ सय १२ जना महिला र ३ सय ६४ जना पुरुष संक्रमितहरुमा कोरोना भाइरस पुष्टि भएको हो । पछिल्लो २४ घण्टामा देशका विभिन्न भागमा रहेका प्रयोगशालामा गरिएको परीक्षणका क्रममा यी व्यक्तिमा कोरोना पुष्टि भएको हो ।योसँगै हालसम्म कोरोना संक्रमितहरुको कुल सङख्या १३ हजार २४८ पुगेको छ ।
