काठमाडौं । नेपाल धितोपत्र बोर्डले शेयर कारोबार खोल्ने नखोल्ने विषयमा ४८ घण्टाभित्र सिफारिस गर्न एक कार्यदल गठन गर्ने भएको छ । सो सम्बन्धमा नेपाल धितोपत्र बोर्ड अहिले वहुपक्षिय बैठक बसिरहेको छ । कार्यदलमा बोर्डका उच्च अधिकारी, नेप्से, सिडिएससी, ब्रोकर कम्पनीका प्रतिनिधि तथा लगानीकर्ताका प्रतिनिधिहरु सहभागी हुनेछन् ।
कार्यदललाई ४८ घण्टाभित्र शेयर बजार खुल्दा र नखुल्दा पर्ने असरका सम्बन्धमा अध्ययन गरी प्रतिवेदन बुझाउन कार्यदेश तोकिने विषयमा बोर्डमा छलफल भइरहेको छ । गत चैत्र ११ गतेदेखि लकडाउन सुरु भएपछि बन्द भएको शेयर कारोबार नेप्सेले धितोपत्र बोर्डको निर्देशन बमोजिम बन्द गरिएको जनाएपछि बोर्डमाथि शेयर कारोबार खुल्ला गर्न दवाव परेको छ ।
