काठमाडौं । नेपाल उद्योग बाणिज्य महासंघले स्थगित निर्वाचनको मिति पुनः घोषणा गरेको छ । चैत्रमा स्थगित भएको नयाँ कार्यसमितिको निर्वाचन साउन २५ र २६ गते गर्ने पदाधिकारी बैंठकले निर्णय गरेको छ । आज बस्ने कार्यकारिणी समितिको बैठकले अनुमोदन पश्चात कार्यान्वयनमा जाने महासंघले जनाएको छ ।
लकडाउन केही खुकुलो भएपछि नयाँ निर्वाचनको मिति घोषणा गरिएको हो । अध्यक्ष र बरिष्ठ उपाध्यक्ष पद बाहेकका पदमा निर्वाचन हुनेछ । महासंघको हालको विधान अनुसार निवर्तमान बरिष्ठ उपाध्यक्ष स्वतः अध्यक्ष हुने प्रावधान छ भने बरिष्ठ उपाध्यक्ष कार्यसमिति सदस्यहरु मध्येबाट निर्वाचनको विधिमार्फत चयन गरिनेछ ।
सोही व्यवस्था अनुसार आगामी निर्वाचन लगत्तै हालका बरिष्ठ उपाध्यक्ष शेखर गोल्छाले अध्यक्षको पदभार ग्रहण गर्नेछन् ।
