काठमाडौं । बुधबार एकै दिन देशभरमा ५८६ जनामा कोरोना संक्रमण भेटिएको छ । स्वास्थ्य मन्त्रालयले पत्रकार सम्मेलनमार्फत सो जानकारी दिएको हो । आज थप भएको तथ्याङ्कसँगै कूल संक्रमितको संख्या ७१७७ पुगेको छ ।
मन्त्रालयले बुधबार देशभर जम्मा ९ जना डिस्चार्ज भएको जनाएको छ । हालसम्म करिब ११६७ जना डिस्चार्ज भएका छन् । नेपालमा कोरोनाबाट हालसम्म मृत्यु हुनेको संख्या २० छ भने नेपालको ७३ जिल्लामा कोरोना भाइरसको संक्रमण फैलिएको छ ।
