काठमाडौं । सिटिजन लाइफ इन्स्योरेन्स कम्पनीले लकडाउनको समयमा घरैमा बसेर जीवन बीमा गर्न सकिने गरी नयाँ अनलाईन सिष्टमको विकास गरेको छ । नयाँ विकास गरिएको अनलाईनबाट घरैमा बसेर सेवाग्राहीहरुले सिटिजन लाईफमा बीमा प्रस्ताव गर्न सक्ने कम्पनीले जनाएको छ ।
बीमा समितिले जीवन बीमा कम्पनीहरुलाई अनलाईनबाटै बीमा गर्न सकिने गरी सूचना प्रविधि सम्बन्धी निर्देशिका जारी गरिसकेको सन्दर्भमा सिटिजन लाईफले यस्तो सुविधा सुरु गरेको जनाएको छ । कम्पनीले अनलाईनमार्फत जीवन बीमालेख प्रस्ताव दाखिला गर्ने सफ्टवयेर प्रणाली सञ्चालनमा ल्याएको जनाएको छ ।
सो नयाँ सिष्टमबाट औपचारिक रुपमा बीमा कारोबार सुरु भइसकेको सिटिजन लाईफले जनाएको छ । बीमा योजना खरिद गर्नको लागि अभिकर्तामार्फत कम्पनीको वेबसाईट वा मोबाईलमार्फत लगइन गरी एजेन्ट पोर्टलमार्फत आवेदन दिन सकिने कम्पनीले जनाएको छ । अभिकर्ताले बीमा गर्न चाहने व्यक्तिको आम्दानी प्रमाणिकरण लगायतका कार्य सम्पन्न भएपछि मात्रै बीमा अभिकर्ताको सहयोगमा कम्पनीमा सिधैं अनलाईनमार्फत आवदेन सकिनेछ । कम्पनीले डिजिटल सिटिजन अभियान अन्तर्गत अनलाईनबाट बीमा गर्ने सुविधा सञ्चालनमा ल्याएको जनाएको छ ।
