काठमाडौं । नेपाल सुनचाँदी व्यवसायी महासंघले आज आइतबारदेखि सुनचाँदीको भाउ निर्धारण गरेको छ । कोरोना भाइरस रोकथामका लागि ११ चैतदेखि गरिएको लकडाउनले सुन चाँदीको कारोबार बन्द रहेको थियो । करिव साढे दुई महिनापछि आजबाट नेपाल सुनचाँदी व्यवसायी महासंघले सुनचाँदीको मूल्य तोकेको हो ।
आज सुनको मूल्य प्रतितोला ८७ हजार चार सय रुपैयाँ तोकिएको छ । यस्तै, तेजावी सुनको मूल्य प्रतितोला ८६ हजार ९६० रुपैयाँ तोकिएको नेपाल सुनचाँदी व्यवसायी महासंघले जनाइएको छ ।
लकडाउनअघि चैत १० गते छापावाल सुनको मूल्य प्रतितोला ७७ हजार रुपैयाँ, तेजावी सुनको मूल्य ७६ हजार सात सय रुपैयाँ र चाँदीको मुल्य प्रतितोला ७२० रुपैयाँ निर्धारण गरिएको थियो।
