काठमाडौं । स्वास्थ्य तथा जनसंख्या मन्त्रालयले आइतबार एकै दिन १६६ जनामा कोरोना भाइरस पोजेटिभ देखिएको जनाएको छ । मन्त्रालयद्वारा आयोजित नियमित पत्रकार सम्मेलनमार्फत मन्त्रालयले आइतबार मात्रै १६२ पुरुष र ४ जना महिलामा कोरोना भाइरस संक्रमण पुष्टि गरेको हो ।
आइतबार कोरोना पुष्टि भएकाहरु मध्ये रौतहटमा २९, सल्यानमा २५, धनुषामा २१, कालिकोटमा १८, दैलेखमा १८, सप्तरीमा १२, सर्लाहीमा १०, बाँकेमा ८, कपिलबस्तुमा ५, झापामा ४, बाजुरामा ३, स्याङ्जामा २ र तनहु, सुर्खेत, मोरङमा एक।एक गरी कूल १६६ जनामा कोरोना पुष्टि भएको स्वास्थ्य मन्त्रालयले जनाएको छ ।
आइतबार तथ्याङ्क सार्वजनिक हुँदासम्म कूल १५६७ जनामा कोरोना भाइरस संक्रमण पुष्टि भएको छ । मन्त्रालयका अनुसार आइतबार थप एक जना कोरोना भाइरसबाट मृत्यु भएको पुष्टि भएको छ । बाजुराकी दुई बर्षिय बालिकाको कोरोनाबाट मृत्यु भएको हो । उनी क्वारेन्टाईनमा बसेकै अवस्थामा आइतबार विहान मृत्यु भएको थियो ।
