कामठाडौं । मकवानपुरको कैलाश गाउँपालिकाको भवनमा आज विहान आगोलागी हुँदा सबै सामान जलेर खरानी भएको छ । उपाध्यक्षसहितको टोली न्यायिक समितिको बैठक बसिरहेको बेला एक्कासी आलो लागेको गाउँपालिकाका अध्यक्ष टंक मोक्तानले जनाएका छन् ।
सो गाउँपालिकाको वडा नम्वर ३, कालिकाटारमा रहेको गाउँपालिकाको मुख्य भवनमा आगोलागी भएको हो । आगलागी हुँदा त्यहाँ भएका इलेक्ट्रोनिक सामानहरु र कागजातहरु जलेर नष्ट भएको स्थानीयबासीले बताएका छन् । भवनको छतमा रहेको सोलार सिष्टमको विद्युत सर्ट भएको अनुमान गरिएको छ । आगोलागीबाट लाखौंको भवनमा क्षति पुगेको छ भने कार्यालयका सबै फर्निचरहरु जलेर खरानी भएका छन् । सो आगोलागीको बीमा दावी पर्ने सम्भावना भने छैन ।
