काठमाडौं । खराव मौषमको कारण चीनबाट मेडिकल सामग्री लिएको आएको नेपाल एयरलाइन्सको एयरबस ए ३३० जहाज नेपाल भारत हुँदै अघि बढेको भिषण आँधीका कारण रुट परिवर्तन गर्नु परेको छ । चट्याङ्सहितको भिषण आँधीका कारण बारामाथिको आकाश हुँदै नेपाल छिर्नुपर्ने जहाज सुनसरीबाट नेपालतर्फ छिरेर जिरीमाथिको आकाशमा पुगेको थियो ।
रुटमा खराव मौषमसहित भिषण आँधी हुरी आएको जानकारी पाएपछि भारतको भागलपुरबाट रुट परिवर्तन गर्दै उदयपुरतर्फ लागेको थियो । उचाई घटाउँदै खोटाङ हुँदै जहाज दोलखाको जिरी पुगेको थियो । त्यतिबेलासम्म बारातर्फको मौषममा केही सुधार आएपछि जहाज पुनः बारामाथिको आकाशमा आएर नर्मल एप्रोचमा काठमाडौंस्थित विमानस्थलमा अवतरण गरेको छ ।
