चितवन । लकडाउनको समयमा बन्द रहेको चितवनको नारायणगढस्थित प्रभु बैंकमा आज विहान आगलागी भएको छ । आगोलागी केहीबेरमा नै नियन्त्रणमा आएकोले सामान्य क्षति मात्रै भएको हुनसक्ने प्रहरीको अनुमान छ ।
वडा प्रहरी कार्यालय नारायणगढका प्रहरी निरीक्षक रवीनबाबु रेग्मीका अनुसार विद्युत चुहावट भई आगलागी भएको हो । विहान साढे ११ बजेतिर लागेको आगो करिब २५ मिनेटमा नियन्त्रणमा लिइएको प्रहरीले जनाएको छ । प्रहरीले प्रतिवेदन तयार भएपछि क्षतिको विवरण तयार हुने प्रहरी निरिक्षक रेग्मीले बताए । सो आगोलागीको प्रतिवेदन तयार भएपछि बीमा दावी पर्ने जनाइएको छ ।
