काठमाडौं । विश्वभरि महामारीको रुपमा फैलिइरुहेको कोरोनाबाट नेपालमा थप दुई जना संक्रमति भएको पुष्टि भएको छ । बिहिवार थप दुई नयाँ पुष्टि भएसँगै कूल कोरोना संक्रमितको संख्या ४७ पुगेको छ ।
उदयपुरको भुल्के आसपासमा फैलिएको कोरोना अब सर्लाहीसम्म कनेक्सन जोडिएको छ । स्वास्थ्य मन्त्रालयले बिहिवार उदपयुरकी ५५ वर्षीया महिला र जनकपुरका १४ वर्षीय किशोरमा संक्रमण देखिएको जनाएको छ । नेपालको उदयपुर अहिले कोरोना भाइरसको मुख्य केन्द्र बनेको छ । अहिले त्यसको कनेक्सन सर्लाहीसम्म पुगेको देखिएको छ ।
आजको परिक्षणको पोजेटिभ भेटिएको केस सर्लाहीको भएको खुलेको छ । उनी लकडाउन अवधीभित्र भारतबाट अबैध रुपमा नेपाल भित्रिएको खुलेको छ ।
उदयपुरको भुल्के क्षेत्रमा मात्रै हालसम्म २५ जनामा कोरोनाको संक्रमित देखिएका छन् । ति सबैको विराटनगरस्थित कोरोना कोराना विशेष (अस्थायी) अस्पतालमा उपचार भइरहेको छ ।
