काठमाडौं । आज बिहीवार भारतको प्रमुख शेयर बजार बिएससी (सेंसेक्स) र नेशनल स्टक एक्सचेन्ज(निफ्टी)मा सामान्य वृद्धि देखिएको छ।
बिएससी सेंसेक्स सूचक २२२ दशमलव ८० को अंकले वृद्धि भएर ३०६०२ दशमलव ६१ अंकमा बन्द भएको छ भने यसैगरी निफ्टी सूचक ६७ दशमवल ५० अंकले वृद्धि भएर ८९९२ दशमलव ८० अंकमा पुगेको छ।
सेंसेक्स शुन्य दशमलव ७३ प्रतिशतले वृद्धि भएको छ भने निफ्टी शुन्य दशमलव ७६ प्रतिशतले वृद्धि भएको छ।
सेंसेक्स ३०,००० को मनोबैज्ञानिक विन्दु भन्दा माथि बसेको छ भने निफ्टी ९००० को मनोबैज्ञानिक विन्दु माथि पुग्न असफल भयो ।
विभिन्न मिडियाका अनुसार भारतीय वित्तमंत्रीले प्रधानमंत्री नरेन्द्र मोदीसँग छिटै भेट गरेर कोरोना भाइरसको कारणले बिग्रिएको आर्थिक अवस्थालाई राहत दिन केही आर्थिक प्याकेज ल्याउने चर्चासँगै भारतीय शेयर बजारका लगानीकर्ताहरुमा थोरै खुशी देखिएको छ ।
