काठमाडौं । शिखर इन्स्योरेन्सको ३० प्रतिशत हकप्रद शेयर निष्काशन स्थगित भएको छ ।कोरोना भाइरसको संक्रमणलाई मध्यनजर गर्दै सरकारले लक डाउन गरे पछि कम्पनीको हकप्रद शेयर निष्काशन स्थगित भएको हो ।
कम्पनीले एक सय रुपैयाँ अंकित दरमा चुक्ता पूँजीको ३० प्रतिशतले हुने ३१ करोड ७१ लाख ९३ हजार २०० रुपैयाँ बराबरको ३१ लाख ७१ हजार ९३२ कित्ता हकप्रद जारी गर्न लागेको हो ।
हकप्रद निष्काशनका लागि इन्स्योरेन्सले गत फागुन १३ गते शेयर धनी दर्ता पुस्तिका बन्द गरिसकेको थियो ।
कम्पनीको शेयर निष्काशन तथा बिक्री प्रबन्धक एनआईबिएल एस क्यापिटलका अनुसार अर्को सुचना नआइन्जेलसम्मका लागि हकप्द शेयर निष्काशन बन्द गरेको जनाएको छ ।
हाल कम्पनीको चुक्ता पूँजी १ अर्ब ५ करोड ७३ लाख १० हजार ६०० रुपैयाँ रहेको छ ।
