काठमाडौं । कोरोना भाइरस (कोभिड(१९) संक्रमण रोकथाम, नियन्त्रण तथा उपचारका लागि नेपाल सरकारले स्थापना कोषमा निजि क्षेत्रको दुरसञ्चार सेवा प्रदायक कम्पनी एनसेलले १० करोड रुपैयाँ सहयोग गरेको छ ।
एनसेलका प्रमुख कार्यकारी अधिकृत एण्डी चोङ्गले मंगलबार प्रधानमन्त्री तथा मन्त्रिपरिषदको कार्यलयका सचिव नारायण प्रसाद बिँडारीलाई उक्त रूपैयाँको चेक हस्तान्तरण गरेको प्रधानमन्त्री कार्यालयले जनाएको छ ।
यो सहयोग कोभिड–१९ रोकथाम, नियन्त्रण तथा उपचारका लागि अत्यावश्यक व्यक्तिगत सुरक्षा उपकरण (पीपीई), स्वास्थ्य सामग्री, पीसीआर परीक्षण किट किन्न तथा क्वारेन्टाइनका साथै संक्रमित बिरामीको उपचारमा उपयोग हुने प्रधानमन्त्री कार्यालयले जनाएको छ । कोषमा बीमा समिति, बैंक तथा वित्तीय संस्थाहरुले सहयोग गर्ने क्रम जारी छ ।
