काठमाडौं । सरकारले बैंकिङ कारोबारको लागि सहज बनउने क्रममा जुनसुकै एटिएमबाट रकम निकाल्दा शुल्न नलाग्ने व्यवस्था गरेको छ । नेपाल राष्ट्र बैंकका अनुसार आजदेखि नेपालका सबै बैंक तथा वित्तिय संस्थाको एटिम कार्ड प्रयोग गरी देशभित्रका कुनै पनि एटिएम मेशिनबाट रकम निकाल्दा शुल्न नलाग्ने व्यवस्था गरेको हो ।
सर्वसाधारणलाई रकमको अभाव हुन नदिन तथा धेरै आवत जावत गर्नु नपरोस् भन्ने उद्देश्यले त्यस्तो व्यवस्था गरिएको बैंकर्स संघले जनाएको छ । संघका अनुसार अन्तर बैंक एटिएम कारोबार गर्दा ग्राहकले कुनै शुल्क तिर्नुपर्दैन । बैंकमा ग्राहकको भिड घटाउन यस्तो व्यवस्था लागू गरिएको हो ।
त्यस्तै बैंकमा काम गर्दा प्रमुख कार्यकारी अधिकृत, नायब प्रमुख कार्यकारी अधिकृत तथा व्यवस्थापनका अन्य कर्मचारीहरु एउटै भवन तथा चेम्बरमा बसेर काम गर्न नहुने सुझाव दिइएको छ ।
उता, कोरोनाको प्रभावका कारण नेपालमा कुनै पनि बैंकहरु भने बन्द नहुने भएको छ । बैंक जनताको दैनिकी तथा अत्यावश्यक विषयसँग जोडिएकाले कुनै पनि अवस्थामा बन्द नहुने नेपाल राष्ट्र बैंकका अधिकारीको भनाई छ ।
