काठमाडौं । नेपालमा हालसम्म नदेखिएको भएपनि विश्वभर फैलिएको कोरोनाको प्रभावले नेपाललाई विस्तारै प्रभाव पार्दैछ । यसैक्रममा राष्ट्रिय सभाको बैठक अनिश्चितकालसम्मका लागि स्थगित गरिएको कोरोना भाइरसको संक्रमणको जोखिम कम गर्न थप सतर्कता अपनाउनुपर्ने देखिएको भन्दै राष्ट्रियसभाको बैठक अनिश्चितकालका लागि स्थगित गरिएको हो ।
राष्ट्रियसभा अध्यक्ष गणेश तिमल्सिनाले कार्य व्यवस्था परामर्श समितिको सुझावका आधारमा शुक्रबार बस्ने भनिएको बैठक अर्को सूचना नभएसम्मका लागि स्थगन गरेको राष्ट्रियसभाका सचिव राजेन्द्र फुयालले जानकारी दिए । कोरोनाका संक्रमण हुन नदिन सरकारले सबै शक्ति केन्द्रित गरेका बेला थप सतर्कता अपनाउनुपर्ने देखिएकाले संघीय संसदका दुवै सदनको बैठक स्थगित गरेको हो ।
उता, देशैभरिको न्यायालयहरुमा इजलाश स्थगित गर्ने सम्बन्धमा छलफल गर्न सर्वोच्च अदालतमा बैठक बसिरहेको छ । सर्वोच्च अदालतका प्रधानन्यायाधिश तथा न्यायाधिशबीच इजलाशमा कोरोनाको संक्रमण हुन नदिनेबारेमा छलफल भइरहेको जनाइएको छ ।
