काठमाडौं । विश्वभर महामारीको रुपमा फैलिदै गरेको कोरोना (कोभिड–१९) भाइरसबाट मर्नेहरुको संख्या सात हजार दुई सय नजिक अर्थात ७१६५ (आज विहान ८ः०० बजेसम्मको तथ्याङ्क) पुगेको छ ।
विभिन्न अन्तर्राष्ट्रिय एजेन्सीहरुले सार्वजनिक गरेको तथ्याङ्क अनुसार विश्वभरका १६२ देशमा कोरोना फैलिइसकेको छ । विश्वभर संक्रमितको संख्या दुई लाख नजिक पुगेको छ । जसअनुसार झण्डै ८० हजार मानिसहरु निको समेत भएका छन् भने ८७ हजार मानिस अझै कोरोना संग संघर्ष गरिरहेका छन् । कोरोनाको उद्गम स्थल चीनमा घट्दो क्रममा रहेको छ भने इटाली, स्पेन र बेलायतमा बढ्दो क्रममा रहेको छ ।
विश्व स्वास्थ्य संगठनले कोरोनाको लागि केवल ‘टेष्ट’ नीति अख्तियार गर्न आह्वान गरेको छ भने विश्वभर उच्च सतकर्ताका बीच हरेक दिन नयाँ नयाँ शहरहरुमा फैलिने क्रममा छ ।
विश्वका अति विकसित भनिएका देशहरु चीन, जापान, अमेरिका, जर्मनी, बेलायतमा समेत कोरोनाले प्रकोपको रुप लिँदै गर्दा अमेरिकी राष्ट्रपति डोनाल्ड ट्रम्पले भगवानको शरणमा परेर ट्वीट गरेका छन् । उनले भूतहरुका कारण कोरोना फैलिएको समेत बताएका छन् ।
त्यस्तै, छिमेकी मुलुक भारतमा समेत कोरोना रोगीहरु देखिने क्रम जारी छ भने अफ्रिकी मुलुकहरुमा समेत कोरोना पुग्ने क्रममा रहेको देखिएको छ । नेपालमा भने हालसम्म कोरोनाका रोगी छैनन् । एक जनामा रोग देखिएकोमा निको भएर घर फर्किसकेका छन् ।
