काठमाडौं । आज शेयर बजार नेप्से १४ दशमलव ३७ अंकले बढेर १,५०९ दशमलव ६७ को विन्दुमा कायम भएको छ । ट्रेडिङ, माइक्रोफाइनान्स र अन्य बाहेक सबै उपसूचक बढेका छन् । सबैभन्दा धेरै निर्जीवन बीमा समुह २ दशमलव ५४ प्रतिशतले बढेको छ ।
आज शेयर कारोबार केही बेर बन्द भएको थियो । ब्रोकरहरुको डाटा सेन्टरमा समस्या आएर १२ बजेर ४१ मिनेटदेखि १ बजेर ३५ मिनेटसम्म शेयर कारोबार ठप्प भएपछि नेप्सेले कारोबार समय ५५ मिनेट थपेको गरको हो ।
आज १ सय ८१ कम्पनीको ८२ लाख ११ हजार २ सय ८९ कित्ता शेयर किनबेच हुँदा ३ अर्ब ८५ करोड १६ लाख २२ हजार रुपैयाँको कारोबार भएको छ । आज सबैभन्दा धेरै ४० करोडमाथिको कारोबार भएको छ । एनएमबि बैंकको २५ करोड माथिको कारोबार भएको छ ।
एनआइसी एशिया बैंकको १८ करोडमाथि, नबिल बैंकको १२ करोडमाथि, हिमलयन डिस्टीलरीको १४ करोडमाथिको कारोबार भएको छ । आज मञ्जुश्री फाइनान्सका लगानीकर्ताले सबैभन्दा धेरै ९ दशमलव ९२ प्रतिशतका दरले कमाएका छन् भने स्वदेशी लघुवित्तका लगानीकर्ताले सबैभन्दा धेरै १० प्रतिशतका दरले गुमाएका छन् ।
