काठमाडौं ।सानिमा जनरल इन्स्योरेन्सले ३० प्रतिशत आइपीओ निष्कासन बिक्री गर्ने भएको छ। इन्स्योरेन्सले प्रतिकित्ता एक रुपैयाँ अंकित दरले आइपीओ निष्कासन गर्न लागेको हो । इन्स्योरेन्सले ३० करोड रुपैयाँको सेयर बिक्री गर्ने भएको छ ।
कम्पनीले बिक्रि प्रबन्धकमा एनआईसी एसिया क्यापिटललाई नियुक्त गरेको छ । इन्स्योरेन्स र क्यापिटलबीच शेयर निष्कासनका लागि समझदारी पत्रमा हस्ताक्षर भएको छ।
हाल इन्स्योरन्सको संस्थापक शेयर ७० प्रतिशत रहेको छ । ३० प्रतिशत आइपीओ निष्कासन पश्चात् कम्पनीको चुक्ता पुँजी एक अर्ब रुपैयाँ पुग्ने भएको छ। साथै इन्स्योरेन्सले निष्कासन हुने कुल सेयरमध्ये ५ प्रतिशत इन्स्योरेन्सका कर्मचारी तथा सामूहिक लगानी कोष कम्पनीहरुलाई आरक्षित गरिएको कम्पनीले जनाएको छ ।
